03.23.10
Кој ке го гони овој криминал?
кадрите на груевски ја растураат државната каса.
Кој ке го гони овој криминал?
има ли таков? или другарчињата на Груевски не подлежат на закони?
03.16.10
650 илјади евра хонорари за Александар
ВЕСТ ОТКРИВА НОВИ ДОКУМЕНТИ ЗА СПОМЕНИЦИТЕ
650 илјади евра хонорари за Александар
Од таа сума се исплаќаат авторски хонорар за Стевановска и надоместоци за учесниците во изработката на идејниот проект по фази, како и за лицата ангажирани за изработка на скулптурите и на релјефите
Според договорот на Општина Центар со леарницата “Фернандо Маринели” од Фиренца, склучен на 10 октомври 2008 година, рокот за испорака на сите елементи од овој споменик е 24 месеци, ако се доцни поради нарачателот, нема казни, ако доцни изведувачот, казната е до 5 проценти од цената на чинење
Скулпторката Валентина Стевановска потпишала договор за хонорар со Општина Центар од околу 650 илјади евра за фонтаната и за споменикот на Александар Македонски, предвидени за на плоштадот Македонија. Од таа сума, според договорот, се исплаќаат и надоместоци за учесниците во изработката на идејниот проект по фази, како и за лицата ангажирани за изработка на скулптурите и релјефите.
“Вест” дојде до два договори со доверлив карактер кој како таков, пишува дека ќе се чува од потписниците. Договорите се третирани како деловна тајна, и нивната содржина не смеела да се открива пред никого. Од вториот договор се гледа дека четири и пол милиони евра чини леењето на комплексот споменици и релјефи предвидени околу фонтаната, заедно со коњаничката скулптура на Александар. Според договорот на Општина Центар со леарницата “Фернандо Маринели” од Фиренца, склучен на 10 октомври 2008 година, рокот за испорака на сите елементи од овој споменик е 24 месеци. Тоа значи дека комплексот – фонтана и Александар Македонски на Плоштадот треба да е завршен до октомври годинава. Ако изработувачот не успее во предвиденото време да ја изврши нарачката, предвидена е казна од 1 промил дневно, но најмногу 5 проценти од вредноста на договорот. Во договорот има клаузула која вели дека рокот на изработка може да се одложи ако нарачателот задоцни со изработка на моделите.
Стевановска за сумата од речиси 650 илјади евра се обврзала да изработи идден проект за изградба на монументална целина на фонтана со коњаничка скулптура, висока 3 метри, скулптури на осум војници, исто така, високи речиси 3 метри, скулптури на 2 лава со по 2 метра височина. Тие се во придружните елементи на монументалната целина, а како придружни елементи се сметаат и релјефите од фонтаната кои се изработуваат во мермер со површина од 15 квадратни метри, како и релјефи подготвени за леење во бронза со површина од 120 квадратни метри.
Во интервјуто за “Вест”, дадено минатата година, Стевановска ни рече дека оваа споменична целина во ширина ќе биде колкаво што е кружното место со зеленило на Плоштадот. Таа објасни дека по скали во кружна форма ќе се стигнува на плато во кружна форма, дека таму ќе има 4 бронзени лава на четирите страни на шеталиштето, а други четири лава има на палтото под фонтаната на Плоштадот. Луѓето ќе можат да доаѓаат до ѕидот од каде што почнува мермерната фонтана, исполнета со вода. “Во средината на фонтаната се издига мермерен столб, висок приближно колку коњаникот, и тие пропорционално си одговараат. Во подножјето столбот ќе биде поширок, и таму во бронза ќе биде изработена круната на Филип со дабови листови. Тоа плато од почетокот на столбот ќе служи како постамент на војниците на Александар. Ќе има 8 бронзени војници, високи по 3 метри, кои ќе бидат претставени во различни пози. Тоа се поточно 7 војници, а еден е кралот Филип Втори”, ни изјави на почетокот на работата Стевановска. (Г. Т.)
Во огласот споменикот на Плоштад нема име
Општина Центар тајно го распишала огласот за леење на споменикот на Александар Македонски. Огласот за избор на леарница во која ќе се прави споменикот на Александар, јавнат на Букефал, Општината го распишала на 17 јуни 2008 година. Но во огласот не е наведено точно за кој споменик станува збор. Во описот во огласот стои само “леење на скулптури и релјефи во бронза”, но не и името не воинот. Истиот ден Општина Центар распишала уште четири огласи за леење споменици. Во нив, за разлика од огласот за споменикот на Александар Македонски, јасно стои чии споменици ќе се леат. Во првиот оглас е наведено дека ќе се леат коњанички скулптури на Гоце Делчев и на Даме Груев, во вториот коњаничка скулптура на Никола Карев, а во останатите два пишува дека се бара леарница за споменици на Цар Самуил и Методија Андонов – Ченто. По две недели, односно на 2 јули објавени се огласи за барање леарница и за двата пара лавови што треба да бидат поставени на мостот Гоце Делчев. И во овие огласи јасно стои каков споменик ќе се лее. (А. А)
Александар ќе дојава со доцнење од 6 месеци
Споменикот на Алексадар Македонски ќе доцни најмалку половина година. Според договорот потпишан меѓу Општина Центар и леарницата од Фиренца “Фердинандо Маринели”, споменикот треба да биде готов до октомври годинава. Но овој рок нема да се запази. Градоначалникот на Општина Центар Владимир Тодоровиќ пред два месеца изјави дека Александар не е излеан ни до половина и, според негова процена, тој и Букефал во Скопје ќе пристигне дури за една и пол година. Дотогаш ќе се работело на изградба на фонтаната, на која тој ќе биде поставен.
Првите споменици кои за еден месец треба да бидат поставени на плоштадот Македонија се на Гоце Делчев и на Даме Груев пред Камени мост, на цар Самуил пред кафулето “Тренд” и едниот пар лавови на мостот Гоце Делчев. Леењето на спомениците на Гоце и на Даме чини 850.000 евра, а на двата пара лавови 2.300.000 евра. (А. А.)
03.08.10
Купувајте коли, банкрот сме – мислење 128
Утрински весник,
30 јануари 2010
Мислење 128
Купувајте коли, банкрот сме
____________
Незнам за вас, но јас се сомневам дека владата е искрена и филантропски расположена, кога се работи за дозволувањето да се увезуваат стари и скапани автомобили. Верувам веќе знаете дека ќе се дозволува увоз стари возила, постари од 10 години и со еколошки стандарди од овој што сега е на сила во нашата држава. Велам дека верувам оти веќе знаете за одлуката затоа што пулените на власта се пуштија на терен да ја објаснуваат како нешто најдобро што можело да ни се случи. Па така го видовме „возачот“ Влатко Ѓорчев во „јади бурек“ како обилно објаснува дека народот требало да се вози во автомобили, наместо да чека по пола сат автобус. Мммм. Навистина интересно објаснување, кое се обидува кај нас да остави впечаток дека власта толку многу го љуби овој народ па е подготвена за него да ги спушти еколошките стандарди. Има да се гушиме, но народот ќе се вози во голфови, кои според премиерот не биле крш. Убеден сум дека ако продолжи притисокот кон него, по оваа најнова пропагандна финта, тој ќе се качи на некој ден и во голф кец. Рејтинг си е рејтинг. Се покажа дека без тоа не се може…
Но, дозволете да се вратам на генијалните пројави на Влатко. Оти тој е пратеникот кој што мора да брани се и сешто. Има барем неколку приговори кои легитимно може да се дадат, само ако малку размислувате на тема. Прво, околу транспортот. Да се потсетиме дека неговата партија е на власт 4 години, и дека во меѓувреме им пропаѓаат обидите да купат автобуси по неверојтни цени. Имено, цените кои беа во оптек, и за среќа јавноста се побуни, беа како државата да купува ескадрила од авиони. Ама малку фалеше и тоа да помине. Значи автобусите се такви какви што се, државата требаше да го решава тој проблем и според минатото време на власт, слободно можеме да заклучиме дека љубовта и филантропството не се дел од арсеналот на таа гарнитура.
Натаму, дали владеачката екипица се запрашала зошто народот се вози во автобуси, а не со коли? Според мизерноста на аргументите кои се понудени како објаснување на мерката зошто се дозволува увоз на стари возила, очигледно е дека се повеќе се губат и немаат допир со реалноста. Автобуска карта чини помеѓу 25 и 30 денари, зависно со каков автобус се возите. Тоа значи дека ако два пати дневно се одвезете во центарот на градот, по работа или за забава, ќе потрошите околу 100 денари. Додека пак ако живеете во Скопје, на да речеме 7 километри од центарот на градот, со две возења дневно ќе поминете најмалку 30 километи во вашето возило. Она истото што сега ќе сте го купеле затоа што владата овозможила да го направите тоа. Ако вашето ново, а старо возило троши 10 литри на сто километри излегува следната математика. Километар „возење“ ве чини 6 денари. Тоа значи дека ако денеска поминете само 30 километри ќе потрошите 180 денари за бензин. Ако посакате притоа да се паркирате во центарот на градот, ќе платите уште најмалку 100 денари. Тоа веќе сега е скоро три пати повеќе од онаа цената која ја имате за возење во автобус. Но, тоа не е се. Имате обврска да го регистрирате вашето возило. Тоа „задоволство“ ќе ве чини годишно околу 150 евра. Зборувам за сите давачки. Може да биде и повеќе, ама еве ќе земеме некоја средна вредност. Тоа се плус 30 денари дневно врз претходно израчунатите. Вкупно, најмалку 300 денари. Да речеме дека два пати годишно ќе отидете во Охрид со вашата нова – стара кола. Тоа се околу 1000 километри екстра, односно над веќе предвидените средства за трошење. Односно додадете плус 100 евра за таа пригода. Сумирано, вашето ново возило, на ниво на година, ако го возите строго дисциплинирано, ако не се движите подалеку од центар, ако не идете по гости во други делови од градот, ако не идете никогаш во источна Македонија ќе ве чини само 110.000 денари. Или народски кажано, околу 2.000 евра. Значи сте купиле автомобил за 2 илјади евра. Радосни сте. Но за да го возите, подгответе си уште толку на ниво на година.
Не верувам дека народот наш, кој има чувство за калкулација овие работи не ги знае. Посебно оној кој се определил да се вози со автобус. И сигурен сум дека не се возат во автобус од мерак, туку од немајкаде. Ако имаат просечна плата од 300 евра, на ниво на година, ќе треба само за бензин да потрошат околу 60 проценти од платата. А да потсетам, има многумина кои работат и за помалку пари од тоа.
Од друга страна, ако вие потрошите 2 илјади евра годишно на вашата нова кола, владата од тоа ќе добие најмалку илјада евра. Оти давачките кои таа од бензинот ги зема се околу 50 проценти по литар. Да претпоставиме дека 100 илади коли ќе се купат по оваа основа. Тоа се нови 100 милиони евра од кои владата ќе има нов прилив од најмалку половина од тие пари. Има само еден проблем во ваквите пресметки. Народот нема пари.
Па можеби затоа на Влатко му се испушти, несакајки, дека возењето на коли било добро за економијата. Се сложувам. Посебно за една банкрот економија, која нема пари да скрпи за повеќе слоеви на граѓани, на кои е должна навремено да им исплаќа. Па ако сега, всушност со една агресивна пропаганда, се убедат граѓаните дека треба да возат, наместо да користат автобуси, можеби ќе се продолжи агонијата за некое време. Велам агонија, оти нивното владеење и за нив е тоа. Посебно за економскиот тим, кој знае дека работата е „врвка“, а притоа мораат да глумат ладнокрвност и да лажат дека се е во ред. Ден за ден. Прибери даноци од фирми, ако треба и насила и дај плати на администрацијата која што ништо не работи. А некои и дома си седат. За мир во куќата.
Да ја потсетам владеачката гарнитура за уште нешто. Сега кога и Косово има повисоки еколошки стандарди во однос на нас, по прашањата на бензинот, како мислат да не убедат дека ги интересира животната средина? Секако дека апологетите можат да одговорат дека се работи за интерес на граѓаните и тоа е пред се. Погоре ми се чини дека покажав во што се состои интересот. Пред една година уништија цела гранка од индустријата – пластичната. Со изговор дека станува збор за кампања за заштита на животната средина. А истовремено на ОКТА не смеат да и писнат за горивото кое ни го продава. Нели ви е чудно тоа? Што ли би можело да е причината. Дај боже наскоро да се открие.
Дечкиве од коморите кои купувале нови одела од радост што ќе го виделе премиерот на доручек, се интересна појава за анализа. Или да ве оставам сами да си анализирате и да се чудите?
Филип Петровски
Доктор по политички науки
http://filippetrovski.blog.mk/
03.04.10
КАКО СЕ УНИШТУВА ДОМАШНОТО СТОПАНСТВО!
ЕВЕ КАКО СЕ УНИШТУВА ДОМАШНОТО СТОПАНСТВО. КОРУПЦИЈА?
проценете сами
како груевски ја развива економијата
02.17.10
Што зборува оваа жена бре?!
-
- косана мазнева дпмне србомани
-
- косана дпмне србомани
Што зборува оваа жена бре?!
Собранието расправаше за
сечата на моликата
15.02.2010
Наместо да бараме одговори од Министерството за животна средина за сечата на молики во нп Пелистер, ние сега треба да бараме објаснување од министерот за одбрана, затоа што претседателот на УО во Пелистер е неговиот баџанак, обвини денеска опозицијата на парламентарната расправа за законот за заштита на природата.
„Претседателот на УО, замислете си, контролирано или неконтролирано почна да ја сече моликата. Не ја сече веднаш кога стана или пред да стане претседател на УО, туку откако стана претседател на УО. Од кога уведе дека во сечата на моликата има голем бенефит“, вели Томе Чинговски, СДСМ.
„Моликата е толку многу застапена во Пелистер, така што таа не може да биде ставена во групата на загрозени видови. Моликата мора да се сече. Тоа да ви е јасно. Моликата се сече согласно планот за управување на националниот парк Пелистер“, рече Косана Мазнева Николиќ, ВМРО-ДПМНЕ.
А еве што пред само една недела изјави пратеничката на ВМРО-ДПМНЕ, Мазнева Николиќ:
Сторијата на А1 за масакрот на молики, отвори многу прашања. Собранието очекува извештај од Министерството за животна средина за тоа што се случува на Пелистер.
Неодамна и екологистите побараа независни експертски тимови, под итно да извршат контрола за сечата на молики, обвинија дека раководни лица од ресорното министерство и членови на УО се штитат меѓусебе, тврдејќи дека моликата се сече неконтролирано, а потоа се продава.
02.07.10
Анѓелов: Одбрана да ги повлече тужбите против бранителите
Анѓелов: Одбрана да ги повлече тужбите против бранителите
Здружението на бранителите ’’Достоинство’’ побара министерството за одбрана да ги повлече тужбите против бранителите за враќање на исплатената отштета со камата, како што тоа го направи и МВР.
Во ноември, Владата донесе одлука да се повлечат 40-сетина тужби од МВР против воени инвалиди или семејства на загинати бранители, на кои во меѓувреме поради бавноста на судовите, им се одбиени уште две рати од враќањето на отштетата.
„Оваа среда имав средба со државниот првобранител на која што државниот првобранител ме извести дека тужбите од министерството за одбрана нема да бидат повлечени. Значи тоа ме убеди дека не се работи за никаква грешка или заблуда“, рече Стојанче Анѓелов, „Достоинство“.
Од ’’Достоинство’’ велат дека има десетици тужби против припадници на АРМ од страна на министерството за одбрана, како примерот на професионален војник од Кочани кој претрпел страв за време на акцијата во село Ваксинце.
Прво во 2005-та, основниот суд Скопје 1 му доделил оштета од 6000 евра, а по тужбата од министерството за одбрана, врховниот суд ја поништува одлуката на пониските судови и му наложува да ја врати отштетата.
„Министерството за одбрана до државното првобранителство поднесува иницијатива за поведување постапка за заштита на имотните праљва и интереси. Значи министерството за одбрана ја покренува оваа иницијативаи првобранителството постапувапо неа и во овој случај сега овие пари треба да ги врати со законска затезна камата“, додаде Анѓелов, „Достоинство“.
Од одбрана демантираат дека ова министерство покренало тужба против семејство на загинат бранител или воен инвалид.
„Со членовите на семејствата на загинатите и припадниците на арм кои имаат тешки телесни повреди од конфликтот во 2001-та, министерството за одбрана вонсудски се има спогодено и нема поднесено ниту една тужба кон кој било припадник на АРМ’’, изјави портпаролот на министерството за одбрана Сашко Димов.
Здружението ’’Достоинство’’ даде вербална поддршка на независниот синдикат на професионалните војници кои најавија протест поради понудениот статус на резервисти по истекувањето на нивниот договор за служба во армијата.
07.02.2010
Ирина Гелевска
Рејтингот се топи, Рубикон е преминат!
- филип петровски
Рејтингот се топи, Рубикон е преминат!
Број 3164 сабота, 19 декември 2009
Како по обичај и последните 7 дена изобилуваат со настани. Политиката и сплеткарењето во Македонија цутат иако е зима. Неколку настани ако се поврзат покажуваат дека можеби на Груевски му се на памет нови избори. Иако, се разбира тој двосмислено ги негира истите. Но, веќе четврта година тој ги применува истите методи, што само по себе значи дека веќе и помалку упатените можат да ја разберат шемата, резонот според кој тој се раководи. Најупростено, резонот може да се објасни со следниве зборови – едно зборувам, друго правам. Ако нешто се негира, тогаш најверојатно, според таа шема на досегашно однесување, токму тоа ќе се случи.
Но, да не останеме во сферата на филозофското промислува на тема, да проследиме неколку елементи кои без послани пред нас неделава. Прво, борбени возила, голем број, засилени со хеликоптери го сардисаа Арачиново. Сето тоа беше уредно забележано од медиумите кои требаше да пренесат оти нашата полиција уредно и навремено си ги извршува задачите. Но, до гласачите, особено оние од македонскиот блок требаше да се испрати и сублиминална порака дека Груевски е оној вистински националист и заштитник на македонците, кои сеуште не си ги залечиле раните од 2001 година. Па со преповторување на сцените, на истото место, сега треба да се стекне впечаток дека работите се смениле. Оти Арачиново останува симбол на неуспехот на Македонија да се справи со своите предизвици во таа воена година. Сега треба да мислиме дека е поинаку, затоа што сега борбените единици се во состојба да влезат во селото, за разлика од претходно. Незнам дали го забележавте жителот на селово кој се буни дека сега дошле повеќе единици споредено со војната.
Да не се разбереме погрешно, полицијата треба да си ја тера работата. Никогаш нема да бидам подготвен да критикувам одбрана на државата или било каква безбедносна операција. Ниеден убиец несмее да е на слобода. Ама да се види ваков сериозен ангажман на полицијата, а потоа да слушнеме дека всушност тој што го бркале побегнал, дава простор да се сомневаме дека нешто се случува под површината. Како е возможно, при толкав број на сили, осомничениот да исчезне?
Како и да е, како што реков ова е еден од елементите кои треба да започнат со создавање на сликата дека патриотизмот и железната непопустливост на премиерот не се однесуваат само на нашите евроинтегративни процеси, туку дека истото им следи и на албанските партнери. Дека всушност никој нема да се протне на намерата да се спроведува законот. Мммм. Но да се потсетиме, дали во чисто албански средини може да се влезе без да има сериозни реакции од тамошното население? Ако не постои претходен договор, да не речам преговори со градоначалник или претседатели на месните заедници, може да се загрози безбедноста на секој кој се обидува да направи било каква акција.
Веднаш по оваа епизода, следеше нова. Пратеничката Мазнева ги обвини пратеничките од својата коалиција, Арифи и Мехмети дека биле антимакедонисти и сееле расна омраза. Интересно е како сега тоа го откри пратеничкава, иако се знае дека ДПМНЕ е во коалиција со ДУИ веќе година ипол. Овие две пратенички ми ти биле како Мира Марковиќ, го користеле перото како калашников, а мастилото било муниција. Македоноомраза било што овие две пратенички на Ахмети повикувале на повлекување од коалицијата со Груевски ако не се реши проблемот со името во наредните месеци. И веднаш се огради пратеничката дека давала лична изјава, а не колективна. Аха, добро. Ајде да ги проанализираме малку работите. Имаат ли право пратениците на Груевски да даваат сопствени изјави? Врз основа на искуството и сознанијата кои ги имаме за последните 3 и нешто години, и однесувањето на сите пратеници повеќе од јасно е дека несмеат слободно ниту да мислат, а не пак да даваат изјави.
Еве да претпоставиме и дека Мазнева собрала храброст и се изборила за слобода да каже неколку реченици кои не и се цензурирани. Постои уште еден проблем. Каква врска има раскинувањето на коалицијата со македонофобија? Има почитувани и тука една суптилна сублиминална порака, која сакаат да ни ја протнат. Оваа влада, т.е. Груевски се македонстите и секој кој е против тоа е македонофоб. Ни ги бранам Ермира и Теута. Они си имаат агенда. Барем знаат што сакаат. Од 2006 работеа да влезат во влада и влегоа. Го принудија Груевски да го изигра ДПА и да си ја собори претходната влада. Да отиде на предвремени избори за да ги нагура сегашните коалициони партнери во своето опкружување. И сега ги подбуцнува „пратениците извршители“ да се р’чкаат со тнр „лични ставови“. Па ако навистина ставовите се лични, зошто не се огради ДПМНЕ од нив?
Не, нема врска тоа со личност. Никаква. Напротив пораките треба да стигнат, ако е можно на време до македонскиот гласач, дека ДПМНЕ и нејзиниот водач се сеуште на македонската страна, по секоја цена и дека треба да се продолжи со подршката на таа партија. Затоа што подршката паѓа. Рапидно. Според последните истражувања РЕЈТИНГОТ на ДПМНЕ е веќе под 20 проценти. Кој знае каква паника сега има на дворот. Па затоа мора некој да се приапси. Да се пушти крв. Да се згазне уште некој. Не е битно да се почитува законот. Треба да се покаже сила и да се промовира цврста рака. Да му се даде на народот нешто да се занимава.
Една работа забораваат дека кога ќе се премине Рубикон, се се врти против тебе. И она што претходно можело да помине, веќе не минува. Се што си продавал како финта, која може со перење на мозок привремено да делува како прифатлива алатка, веќе не врви. Национализмот е лажен, не е базиран на стратегија која е во интерес на Македонија. Туку во интерес на ликови кои сакаат на сила да се запишат во историјата.
Сега Груевски е во рацете на ДУИ. Ако сакаат да му ја урнат владата, ќе ја урнат. Ако несакаат – нема. Ако тој сака да падне владата, за да се обиде за последен пат да не прелаже, тие можат да се спротивстават. И нема да има избори, а рејтингот се топи. Долго време вештачки се држеше на високо ниво, што само по себе ќе овозможи сега рапидно да се менува работата. Арачино, Мазнева и апсењата се очајнички обиди да се направи пресврт во јавното мислење. Дека нешто се работи. Евентуално да се создаде основа за предвремени избори на кои ќе може да се напаѓаат албанците, особено ДУИ, односно сегашниот коалиционен партнер – Али Ахмети.
09.11.09
Извештај на Ревизија за незаконското работење на МНР
Извештај на Ревизија за незаконското работење на МНР
ви го пренесувам извештајот на државната ревизија за незаконското работење на МНР и антонијо милошовски. ако се секавате, во минатата колумна тврдев дека тој нема капацитет да го води тоа министерство и дека се занимава со вработување на роднини (поблиски и подалечни), како и пријатели.
поради колумната од штабските стаорци бев нападнат дека таа била израз на љубомора. ајде сега да видам коментари, дали и државната ревизија е љубоморна заради нешто на антонијо.
ви најавувам дека утре ке имам и колумна посветена на случајот.
п.с. овој извештај го поставувам и на фејсбук, твитер, како и на диг.
09.05.09
Молчењето не е злато, туку некомпетентност
Молчењето не е злато, туку некомпетентност
Број 3079 сабота, 05 септември 2009
Беше ова седмица исполнета со многу надворешно-политички настани, кои во најмала рака повикуваат на размислување, но и на сериозни анализи. Кај нас, во Македонија, нема обичај да се разгледува серија настани како една целина, туку секој настан се доживува сам за себе. И баш поради оваа наша навика ми се чини дека често ни бега поголемата слика. За да имаме подобар увид како се одвиваат работите, пак, треба да се постапува обратно, односно да се поврзуваат работите во аналитички целини. Тогаш можеме да дадеме и посигурни заклучоци, односно релевантно мислење, кое нема да се базира на недоволен број информации. Јас во оваа пригода ќе понудам четири елементи поврзани со надворешна политика на Македонија. Сметам дека тие јасно го покажуваат курсот, односно работењето на МНР и секако, на министерот. Оценувањето ќе го сториме на крајот од текстот.
Прво, од страна на српскиот министер за надворешни работи, Јеремиќ, добивме покана за заедничко организирање на Самитот на неврзаните, по повод 50-годишнината од постоењето на оваа организација, која, главно, се поврзува со Тито, Нехру и Насер. Како објаснување, што експресно е прифатено во овдешните кругови, иако официјално Милошоски молчи, се наведува дека тоа е дел од нашата заедничка историја и затоа треба без размислување идејата да се прифати. Меѓутоа, интересно е како заедничките цели и сеќавања се ставаат во преден план кога за тоа имаат потреба нашите северни соседи. А сосема спротивно на тоа, кога треба да се реши некој македонски проблем, како, на пример, оној со СПЦ, сите се оградуваат дека немаат влијание. Се плашам дека Македонија со оваа покана треба да ја одигра улогата на статист и небитна фигура, при одбележувањето на јубилејот. Министерот Јеремиќ ќе одел во Македонија и во Словенија да ја објаснува важноста на настанот, како и да не’ убедува да ја прифатиме иницијативата. Ајде да видиме како ќе го објасни протерувањето на нашиот амбасадор лани. Или за ова, како и за многу други прашања поврзани со северниот сосед (како, на пример, прашањето на МПЦ), ќе остане на сила мораториумот за прашување.
Второ, од страна на Милошоски јавноста беше известена дека Грците ќе ставеле вето на почетокот на преговорите со ЕУ. Тој оценува дека преговорите оделе кон полошо по Самитот на НАТО во Букурешт. Кон тоа не заборави да додаде дека Македонија т.е. тој прави многу за да се реши спорот. Како и дека се очекува нов предлог од страна на Нимиц. Една идилична состојба во која проблем ни е само Грција. Меѓутоа, ова е класично правење алиби, односно збивање на внатрешните редови пред надворешниот непријател. Во случајот, се игра на кратко паметење и на патриотизам. Односно, се очекува дека ако се посочи Грција како виновник, внатре во државата ќе се раат на неодредено време. Дека нема да има критика, затоа што тој што критикува автоматски станува предавник и грчки шпион. Со тоа се сугерира дека ние сме конструктивната страна, која домаќински ги тера работите. Притоа се заборава да се каже зошто сега се прифатливи варијантите за промена на името, кои не беа прифатливи пред Самитот на НАТО во Букурешт. Доколку е точно дека работите се лоши по тој настан, тогаш зошто цело време на нашата јавност и’ се сервира активизам, кој само што не довел до решение. Само едно изгледа како логичен одговор во моментов – наменско однесување за да се скрие сопствената некомпетентност и да се зачува фотелјата.
Трето, паралелно со конфузијата што намерно се предизвикува во врска со проблемот со Грција, Владата испраќа свој специјален претставник во Брисел за таму да лобирал за нас. Доколку тоа имаше некаква логика пред некое време, кога Владата се натегаше со претседателот, кој не беше од нејзините редови, тоа сега во најмала рака изгледа конфузно. Иако и тогаш не беше логично да се дуплираат задачите, бидејќи министерот може од секој амбасадор да побара извештај и да му наложи како да се однесува во одредени ситуации. Тоа може да го стори и Владата со секој амбасадор. Но, во овој случај не се користи таа можност, туку се дуплира персоналот што го имаме во Брисел. Со тоа индиректно му се укажува недоверба на амбасадорот. Кога е веќе така, чудно е што не се отповикува, зашто партијата сега го има и претседателот, кој за момент може да ја заврши работата. Македонија не е богата држава за да може да удвојува функции, а тоа да го плаќаат даночните обврзници. Затоа на вакви одлуки треба да им претходи посериозна анализа. На јавноста и’ беше дадено образложение дека специјалниот претставник ќе лобирал за позитивен извештај. Мммм! Кога? По неговото објавување? Ако, сепак, требаше да се испрати специјален претставник, тоа требаше да се стори уште на почетокот на годината. И, секако, со јасно утврдени надлежности, за да се спречи јавното наддавање меѓу ДУИ и ДПМНЕ кому ќе му одговара тој претставник, штом ќе се најде во Брисел. Јасно е дека овие подготовки, ако имаше сериозен пристап, требаше да ги направи МНР.
Четврто, нашата држава ја немаше во Гдањск, на одбележување на 70-годишнината од почетокот на Втората светска војна. Причините биле технички. Баш поради тие технички причини пропуштивме шанса да се покажеме како сериозна држава, затоа што светот гледа и повеќе од сериозно на вакви одбележувања. Потсетувајќи се на хоророт од војната, светските лидери имаа можност во Гдањск да се зближат, да разменат по некој збор. Но, Македонија, како по обичај, затоа што ова не е првпат, не присуствува таму. Моментно сме немале амбасадор, па затоа немало кому да му се испрати покана. Бре! А, како дојдоа Милибанд, Меркел и Путин во Гдањск? Тие работат во амбасадите во Полска?
Не. Тие држави имаат сериозни дипломатии и министри. Тие не се занимаваат, како нашиот министер, со вдомување поблиски и подалечни роднини, во време кога треба да се работи на националните интереси. Во тие држави се практикува за министри да се поставуваат луѓе што немаат егзистенцијални проблеми, кои се школувани за таа работа и кои имаат долгогодишно искуство во таа област. Сето тоа на примерот на нашиот министер е обратно. Тој, место да работи и да решава проблеми на државата, ги решава проблемите на сопственото семејство, преку вработување на сите во МНР. Немањето искуство и, што е поважно, став, го дополнува со молчење. Дипломатијата им ја препушта на Владата, претседателот, помошниците, пријателите, роднините и за три години не успеа на јавноста да и’ претстави ниту еден сериозен проект. Се извинувам, ама одењето по семинари, шетањето на Кабинетот и трошењето илјадници евра за тоа, не е проект.
filippetrovski